Vi inviterer alle som har vore med på Sommarles 2025 til kjekke festar for å feire lesegleda og gjere stas på dei ivrige lesarane som verkeleg har stått på denne sommaren! I Stad kommune har 361 born delteke i Sommarles, og til saman har dei lest 404 607 sider fordelt på 4 624 bøker! Det er ny rekord for Stad!
Dette må vi feire, vi inviterer difor til sommarles-festar:
- Laurdag 6. september kl. 12.00–13.30 på biblioteket på Nordfjordeid.
- Laurdag 13. september kl. 12.00–13.30 på biblioteket i Selje!
Det blir
- konkurransar med fine premiar
- litteratursti
- utdeling av diplom som viser kor mykje du har lese
- lett servering med frukt og saft
Kanskje har du nokre sommarles-premiar du ikkje har rukke å hente endå, eller kanskje treng du å låne deg fleire bøker? Ta med deg familien og kom – vi gler oss til å feire lesegleda saman med dykk! Og du – det er same kva fest du møter opp på, kom den dagen det passar deg best!
Trykk gjerne SKAL på det Facebook- arrangementet du har lyst å delta på: Sommarles-fest i Selje | Sommarles-fest på Nordfjordeid