Bruk biblioteket
Biblioteket er ditt. Bruk det!
Biblioteket er meir enn berre bøker! Lån blant ei mengd bøker, e-bøker, lydbøker og filmar – heilt gratis. Alt du treng er eit bibliotekkort!
Vi tek også imot klassebesøk og barnehagegrupper, du kan låne grupperom, møterom eller bruke lesesalen vår. Biblioteket på Nordfjordeid sel billettar til framsyningane i Operahuset Nordfjord og Stad kino.
Nedanfor har vi samla svar på spørsmål som vi ofte får. Fann du ikkje svar på det du lurte på? Ta kontakt med oss så hjelper vi deg vidare!
Bli lånar
Møt opp på biblioteket for å registrere deg som lånar, eller registrer deg som lånar på nett og hent lånekortet på biblioteket. Hugs å ta med gyldig legitimasjon! Kortet kan nyttast på alle biblioteka i Noreg eller til å logge inn på dei ulike digitale bibliotektenestene våre.
Finn det du vil låne
Søk i samlinga til biblioteket!
Har vi ikkje det du leitar etter? Prøv Biblioteksøk – alle landets bibliotek i eitt søk! Lån frå andre og hent på ditt lokale bibliotek. På nettstaden vår finn du også lesetips og anna stoff som kan hjelpe deg å finne den rette boka.
Mine sider
Logg inn med lånenummer og pinkode. Lånenummer står på lånekortet. Ta kontakt med oss om du manglar pin-kode.
På Mine sider kan du sjå låna og bestillingane dine, søkje og bestille frå biblioteket si samling, forlenge låna dine eller setje deg på venteliste på bøker som er utlånt.