Meirope bibliotek
Rekk du ikkje biblioteket innanfor opningstidene? Eller har du behov for ein studieplass på kveldstid? Då kan det hende at Meirope bibliotek er løysinga for deg!
Hovudbiblioteket på Nordfjordeid tilbyr løysinga Meirope bibliotek, som vil seie at du får ditt eige nøkkelkort og kan låse deg inn på biblioteket utanom opningstid. Kontakt oss i skranken for å opprette meirope-avtale! Merk at du må vere over 16 år for å kunne nytte deg av tenesta, og du må framvise legitimasjon når du opprettar avtala.
Som meirope-brukar er dette reglane du må overhalde:
- Du må vere registrert som lånar hos Stad bibliotek for å kunne opprette meirope-avtale.
- Tilgangen gjeld alle dagar kl. 09.00-23.00
- Biblioteket er bemanna innanfor gjeldande opningstider. Opphald i det meiropne biblioteket skjer på eige ansvar.
- Tilgangen er personleg. Du har ikkje lov å låne vekk eller dele kortet eller pin-koden din, og heller ikkje sleppe inn andre i meiropen tid.
- Ta vare på biblioteket ditt gjennom å halde orden, forlate lokala i god stand og rette deg etter gjeldane lånereglar.
- Vis omsyn til andre, særskilt når det går føre seg arrangement i biblioteklokala eller i Operahuset Nordfjord / Eid vidaregåande skule.
- Dersom det går ein alarm skal du straks forlate lokala via merka rømmingsvegar. Ved behov, ring naudetatar 110/ 112 / 113.
- Dersom du misser nøkkelkortet ditt, pliktar du å straks gje beskjed til biblioteket slik at kortet kan sperrast.
- Brot på kontrakten kan føre til at du misser tilgangen din til det meiropne biblioteket.
- Ved signering av kontrakt godtek du at vi lagrar kontaktinformasjon om deg så lenge du har tilgang til det meiropne biblioteket.