Tilbod og aktivitetar

På Stad bibliotek kan du låne bøker, lydbøker, filmar og tidsskrift. I lokalsamlinga finn du litteratur frå eigen kommune og om kommunane rundt. Dersom vi ikkje har det du ynskjer å låne, kan vi låne det inn frå andre bibliotek til deg. Du kan også bestille bøker og materiell sjølv via sida Biblioteksøk og hente det på biblioteket i Selje eller på Nordfjordeid.

Vi har lokalaviser og eit utval tidsskrift du kan lese på biblioteket. Tidsskrift kan også lånast med heim. Vi har også PC- ar du kan nytte, med moglegheit for utskrift. Det er gratis trådlaust nettverk på biblioteket.

På Nordfjordeid har vi stille lesesal og arbeidsplassar rundt om i lokalet. Det er også mogleg å avtale lån av møterom.

Ynskjer du å nytte biblioteket utanom opningstidene våre, kan du teikne ei avtale om Meirope-bruk.

Vi inviterer til ulike arrangement gjennom året, som familiedagar, språkkaféar, utstillingar og forfattartreff, som alltid er gratis for deg. Følg med her på nettstaden vår, eller på våre Facebooksider!

Biblioteket på Nordfjordeid sel billettar til framsyningane i Operahuset Nordfjord og Stad kino.