Hurra – no er bibliotektransporten oppe og går igjen!
Konkursboet til Norsk bibliotektransport er kjøpt opp av Nor-Log, og no blir bøker henta og levert slik som før konkursen.
Frå i dag onsdag 6. mai kl. 12.00 opnar Biblioteksøk også opp att for at lånarar kan bestille bøker sjølve.
Merk at det vil nok fremdeles ta litt tid før bøker du har bestilt blir leverte, dette gjeld både bøker som du bestilte før konkursen ramma 15. april, og også for dei bøkene du bestiller no etter at Biblioteksøk opnar opp igjen.
Ta kontakt med oss dersom du treng hjelp til bestillingar eller til å finne alternativt materiale.