Boklansering med Knut Djupedal

Velkomen til boklansering på biblioteket i Selje torsdag 10. april 19:00, der Knut Djupedal presenterer si nye bok «A novel sight: the Restauration sails to America».

Boka omhandlar overfarten til det vesle skipet Restauration i 1825, ei sjøreise som ofte blir sett på som starten på den norske utvandringa til oversjøiske land. 52 personar var ombord, og desse emigrantane har i ettertid fått namnet «sluppefolket», avleia av namnet på denne typen skip – sluppar.

Denne kvelden vil Knut Djupedal fortelje og vise bilete og film knytt til boka. Boka er skriven på engelsk, og det vil bli mogleg å kjøpe boka i etterkant.

Dette arrangementet er ein del av Crossing 200- jubileet, som markerer at det er 200 år sidan utvandringa starta.

Vi blir glade om du vil følgje Facebook-arrangementet vårt, og trykk gjerne «skal» dersom du tenkjer å kome. Enkel servering.

Velkomne!