Kick off Sommarles

1. juni startar årets Sommarles og vi sparkar det heile i gong på biblioteket i Selje og på hovudbiblioteket på Nordfjordeid. Vi viser årets kick off-film “Asbjørn & Astrid, Den første reisen”,
frå kl 10.00 og utover dagen. Biblioteka har ope frå kl 09.00 – 18.30 denne dagen.

Kick off-filmen er ein kortfilm som fortel historia frå den aller fyrste Sommarlesforteljinga, om korleis Asbjørn og Astrid gjekk frå å vere heilt vanlege barn til å bli Odins hjelparar. Manus er spesialskrive for årets kick off av Mari Moen Holsve.

Går du i 1. – 7. klasse, eller skal du starte i 1. klasse til hausten, kan du vere med på denne kule sommarleskampanjen som varar frå 1. juni til 31. august. Lag deg ein profil på sommarles.no, eller hent fram om du hadde ein i fjor sommar. Les så mykje du orkar heile sommaren, registrer det du har lese og kom innom biblioteket og hent deg ein flott premie.

Alle er hjarteleg velkomne innom denne startdagen for å hente seg eit gratis sommarles-armband, eit bokmerke og ikkje minst – for å låne kjekke bøker så du kan kome i gong med lesinga!