Skulearrangement: Er det lov?

Teikneserieskapar Therese G. Eide besøkjer biblioteket i Selje fredag 15. november, og denne dagen er 2., 3. og 4. klassingar ved Selje og Stadlandet skular inviterte til å lære meir om landslova som feirar 750 år i år!

Saman med Therese reiser vi tilbake i tid i ord og teikningar. Tema er Magnus Håkonsson, ein gut som vaks opp i kongsgarden i Bergen på 1200-talet. Seinare blei han konge med tilnamnet Lagabøte, etter den nye lova som gjaldt for heile landet. Therese teiknar og inviterer til samtale om Magnus og gamle og nye lover.

Arrangementet er ein del av Vestland fylkeskommune si markering av Landslovjubileet, og Therese reiser rundt på turne for å besøkje bibliotek og barneskular over heile Vestland.